Nimin khan Mizoram hmun \henkhatah thlipui leh rial nasa takin a thawk a, hemi avanga chenna in chhia hriat tur a awm nual.
Kolasib District-a South Chhimluang chu nimin chhun dar 12:30 vel khan thlipui na takin a nuai a, In 20 a ti chhia. S.Chhimluang VC Secretary Vanlalnghaka sawi danin, thlipui thawh rual hian rial emaw ruah emaw tla a tel lova, thlipui thawk chauh hian in te hi a tichhia a ni. Inchhia te hi Kolasib DC leh a hoten vawiinah endik dawn a, in chhia te hian an \henawm hnai te belin an khawsa mek a ni.
Nimin chawhnu lamah khan Sihphir, Selesih leh Aizawl District hmun \henkhatah te, Lunglei District chhung hmun \henkhat te leh Mamit District hmun \henkhatah te pawh rial a tla tih report dawn a ni a, Rawpui khuaa rialin in chung 3 a deng pawp tih loh chu in leh thlai a tihchhiat a awm thu hriat a ni rih lo. Mamit District hmun thenkhatah chuan nimin piah lam khan rial a tla tam zawk a ni. Chhim lam deuhah chuan ruah a la sur mumal lo nia hriat a ni.