Hna thawh ṭha tâwklo ti

MZP Sub-Hqrs. Thingdawl chuan thuchhuah siamin, Thingdawl Birvung rama Polytechnic, Nursing School Building leh kawng (Road) siamte chu ni 12 April 2013 khan a hmunah an tlawh thu leh Polytechnic Building Pu Thangkhuma(TKA) Thakthing Bazar Aizawl a mi contract sak zawh tawh chu a building leh retaining wall a khi nasa hle a rei daih tur niin a lang lova, a rang lama enfiaha hma min laksak turin thuneitute kan ngen a ni, an ti.

Hei bakah hian Polytechnic leh Nursing school panna kawng Metalled Road a siam chu a tha tawk lovin fur ruahtui tlak pawh dawl zo lo tur khawp in a pan hle a, a concern Department te hian an vil uluk tawk lo in hna hi ṭheka a pek a ni a. Department work ni si hetianga ṭheka a pek a ni hi kan hrethiam lo hle a, hna chhiat chhan ah pawh kan ngai a ni, tiin an sawi a, Department mi ni si lo hna an vil tir ngawt mai te kha Department mi hna vil tur an indaih ngang lo nge? tia zawtin, mak an tih thu an sawi a,  chuvangin he hnathawh ennawn sak leha a ṭul anga hma laksak turin concern Departmen t(PWD) te an ngen tih an sawi a, tun thla April 2013 ral hma ngei a bawhzui sak turin an phut tih an sawi bawk.

Thingdawl Highway Restaurant Building sak thar, sak zawh tawh tun thlenga hawn a la nilo leh a changtu Minister-in Session ah thil fello lai awm ni a a sawi chu a rang lama chingfel a, hawn thuai a nih theih nana hma la turin Sorkar hotute an ngen tih an sawi bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram