Mizoram sawrkar leh HPC (D) hel pawl te’n inkah-hai thuthlung an lo siam tawh zawm a nih leh nih loh viltu atana din Joint Monitoring Group chu tunkar Zitawpni khian Sakawrdai Tourist Lodge ah an ṭhukhawm dawn.
He an inhmuhkhawmna hi Joint Monitoring Group chairman, SP CID (SB) Pu H. Ramthlengliana’n a kaihruai ang a. Sawrkar lam aiawh official pahnih Addl. SP, CID (SB) Pu HL Thangzuala leh OSD Home department Pu David Lalthangliana te pawh an kal ang a. HPC (D) aiawhin inbiaknaa palai Pu Francis Songate leh an pawl PRO pahnih Pu Lalbeiseia leh Pu Sangneihkunga te an tel bawk ang. Inkahhai (Suspension of Operation) an puan tak zawm ṭhat a nih leh nih loh an sawiho bakah inbiakna chhunzawm lehna tur hun leh hmun pawh an sawiho dawn nia thudawn a ni.
Mizoram sawrkar leh HPC (D) te hian kumin January ni 31 khan Aizawl-ah inbia-in Suspension of Operation hi thla 6 atan an siam a. Hemi hi zawm a ni em tih endik turin Joint Monitoring Group hi SP CID (SB) kaihhruaina hnuai-ah din a ni.