Mizoram News

Kawng chhia vangin Lawngtlai-ah Bandh huaihawt

Lawngtlai khawpui kawngchhia siam tura sawrkar nawr nan Lawngtlai Auto Rickshaw Owners & Drivers Association leh Lawngtlai Taxi Owners & Driver Association ten nimin aṭanga tiamchin awm lo bandh an huaihawt chu nimin tlai dar 6 khan hlih a ni a, Sawrkar aiawh DC te nen an inbiak hnuah bandh hi hlih a ni a, an inremna thu hi ngaihchan mek a ni.

Pawl pahnih hian nimin khan Lawngtlai khawpui chhungah tiamchin awm lo bandh an huaihawt a, Bandh hian thlawp a hlawh hle a, khawlaiah chhuak an awm loh bakah Dawr, School leh Office te khar a ni. Kar hmasa Ni 18 leh 19 khan heng Pawl pahnihte hian Kawngpui siam phutin ni 2 chhung an service lova, an ngenna in awmzia neilo a an hriat avangin bandh an huaihawt zui a, an sawi danin, Lawngtlai khawpui chhung mai bakah, Lunglei leh Lawngtlai inkar kawngpui a chhe hle a, kum engemawzat siam ṭhat a ni tawh lo a, a chhe zual lai te PWD lamin thuam tha thin mahse rei a daih ngai lo a ni.

Kawng chhia avang hian Auto leh Taxi a eizawngtute chuan nasa takin harsatna an tawk ṭhin niin an sawi a, an eizawnna ber a chhiat zawh hma ngei a Sawrkarin kawngpui a siamsak vat an phut tlat tih an sawi a ni.

Taxi leh Auto neitu te hmalakna hi Lawngtlai a Tlawmngai pawl hrang hrang Central YLA, MHIP, Lai Women Association leh Lai Student Association Gen.Hqrs bakah Lawngtlai District MJA te chuan an thlawp thu an tarlang bawk a. Nmin khan hmun hrang hrangah Duty insiamin, Motor lut leh chhuak turte dan anni a, motor veivak hmuh tur a awm lo bawk a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram