Mizoram News

Kawng laih hna tluang taka thawh a nih theih nan Police 400 vel tir

Hmasawnna Hna thawh kallai, Kaladan Multi Modal Transit Transport Project hnuaia Lawngtlai leh Myan-mar ramri inkar kawngpui laih hna chu tluang taka chhun-zawm a nih theih nan state sawrkarin hnathawh tikhaih-lak thei harsatna sukiang turin police 400 vel a tir.

Hetihlai hian kawngpui laihin a tihchhiat tur Ram neitu mi 430, KMMTTP Road Land Owners Association invuah ten zângna-dawmna an la hmuh loh avangin kawnglaih hna chawlhsan turin he kawng laitu RDS leh ARSS Company te Ningani khan an hrilh leh a, Ningani vek khan helai bialtu PWD Executive Engineer chuan venhimna hnuaiah hnathawh chawl lo turin Kawnglaitu Company te a hriattir a, Nitin an hnathawh report an hnena thehlut turin a hriattir bawk a, hetianga inepna avang hian boruak a rit chho hle niin thulakna chuan a tarlang.

Ningani khan Land Owners Association te thlavang hauh hian Lai Students Association chuan thuchhuah an siam bawk a, an thuchhuahah chuan Ram neitu mi 430 te chu CYLA, LSA, Revenue Deptt LADC, PWD, DC leh Land Owner Association member te telna Joint Verification Committee ten a la tur dik taka a ngaih an nih avangin Compensation an hmuh loh avanga hnathawk tute Stay Order an pe hi thil tihawm tak ah an ngai tih an sawi a, thuneituten a rang thei ang berin an harsatna chinfel sak a, Compensation a hma thei ang bera pek annih theih nan chak taka hmalak nise an duhpui tih an sawi a, he buaina chungchang hi dawhkan a chinfel mai theih ni a an hriat thu an sawi.