Aizawl leh a chhehvela vawk hri leng chuan ziaawm lam a pan laiin,
tunlai hian Lunglei District-ah Vawk natna hri a leng mek a, he natna
hri leng avang hian Vawk 101 chu an thi tawh tih Lunglei School of
Vety Science Principal Dr. Vanlalbuanga’n a sawi.
Vawk thi hi raipuar lai te leh a note te an nih thu a sawi a, hetihlai
hian, Vawk pul hri hi tlem chuan a ziaawm ṭan tih sawiin VFA ten an
bial ṭheuhah vawk damlo hi an enkawl mek niin a sawi a, he hri hi an
dist pumah a leng vek lo a, a len leh len lohna hmun a awm tih sawiin
nimin khan S. Vanlaiphai khuaah he Vawk pul hri hi a leng ṭan tih
report an dawng tih a sawi bawk.
