MHZP-in Marksheet lem chhui chian phût

Mizo Hindi Zirlai pawl (MHZP) leh Rashtrabhasha Vidyarthi Sangh (RVSM) chuan Hindi zirna hnuaia Marksheet lem hmuhchhuah chungchang chhuichianga thil sual ti tute an phu tawk hremna pe ngei turin an phut tih an sawi.

Zirlai pawl pahnih te hian nimin khan Aizawla Thuthar lakhawmtute kawmin marksheet lem chungchang Mizoram Hindi Prachar Sabha (MHPS) Gen Conference-a Education Minister PuLalsawta sawilan an bawhzuina aṭangin MHPS awm Hindi College leh School thenkhat chuan MHPS hruaitu ṭhenkhat te nen inremsiamin, Mizoram Scholarship Board-ah Scholarship dil nan Marksheet leh Document lem an siam tih hmuchhauh a ni an ti a, Kum 2012-2013 Scholarship laknaah hetiang marksheet lem siam Hindi School 6 a awm thu leh heng zinga School 3 aṭangin Document lem 190 man chhuah a ni an ti.

Hindi School zawng zawng a zirlai te scholarship check chhuah vek nilo mahse an check chhunah tiang zat an man chhuak tawh chu a mualpho thlak hle a ni tih sawiin, he thil thleng avang hian vawiin thlengin Hindi school scholarship dil zawng zawng ten harsatna an tawk mek a, hetihlai hian heng Hindi school Principal/Headmaster te chu an thil tih dan diklo leh document phuahchawp anih leh nih loh sawifiah turin thlahlui March ni15 thleng khan Scholarship Board chuan hun a pe chungin engemawzah ngaipawimawh lo an awm tih hriat a ni an ti bawk.