Zothlifim Logo
Loading ...

Kum 3 kalta atang khan Mizoramah Malaria avanga thi an tlem hret hret a, kuminah February thla thleng khan Malaria avanga thi report a la awm lo a ni.

Nimin khan State Vector Borne Diseases Control Programme buatsaihin District tina Malaria officer leh Vectore Bormes Diseases Staff ten Aijal Club-ah Review Meeting an nei a, Report-a a lan dan chuan kum 3 kalta aṭang khan Malaria avanga thihna hi Mizoramah a tlem ve hret hret a. Kum 2010 khan thisen endik 329771 ah 15495 in Malaria hrik an pai a, 31 in an thihpui a. Kum 2011 ah thisen endik 213149 ah malaria hrik pai 8861 hmuh ani a, mi 30 in an thihpui a, nikum 2012 khan thisen endik 168421 ah malaria hrik pai 9883 hmu a ni a, mi 25 in an thihpui a, kumin January leh February thla chhung khan thisen 13583 endikah Malaria hrik pai 827 hmuh a ni a, thihpui report ala awm lo a. Malaria hrik pai hmuh zingah za a 90 chuang hi PF a ni.

SVBDCP in kum 2017 thlenga a tum chu kum khata malaria hrik vei zat chawhruala 1 aia tlema tihtlak a ni a, hei bakah hian Annual Blood Examination rate za zela 10 a dah tum a ni bawk.

Vawiin hian Directorate of Health Services, Dinthar ah SVBDCP staff te tan technology thar hmanga record vawn dan training neih leh a ni ang.