MNF Party President Pu Zoramthang’an MNF chu ṭhalaite ta a ni a ti.
Nimina Aizawl W-III Block Conference Khatla YMA Hall-a neihah thusawiin Pu Zoramthanga chuan, Ṭhalaite chu an naupan avangin MNF-ah an inthlahrung tur a ni lo a, Senior-te pawn naupang hmuhin an hmu tur a ni lo a ti a, amah pawhin kum 22 a nihin MNF a zawm a, kum 25 a nihin Pu Laldenga Secretary-ah a ṭang chho ve tawh tih sawiin, MNF chu ṭhalaite ta bik a ni a ti.
Inthlan neih turah Congress an tla dawn ni a sawiin, an tlak chhan tur chu tui bill tihsân a, tui tlem ta zawk si te, Electric bill tihsan a, curent thim zing ta lutuk te, road tax sang uchuak lutuk te, ei leh bar harsa lutuk vang te leh sawrkar hnathawk ten kum 5 dang hrawn an peih tawh lo vang te a ni a ti a, inthlan lo awm turah MNF an sawrkar dawn niin a sawi.