Pathianni zan khan Sony Open Final-ah Andy Murray chuan David Ferrer hnehin a Champion a, Murray hi World No. 2 a ni zui nghal a ni.
Miami-a Final khelhah hian kum 25-a upa Murray hian 2-6, 6-4, 7-6 (7-1)-in Ferrer hi a hneh a, hei hi Murray tan Masters Title hi vawi 9 a lakna a ni a. Miami Masters hi a vawi 2 lakna a ni bawk.
He Final-a inkhel hi inkhel hmuh-nawm tak a ni a, Murray hian set khatna a la lo nghal a, chu mai bakah a zawnin game hmasa pangaah hnehna a chang zo lo vek a. Mahse set hnihna a lak hnuah set thumna deciding neiin 7-1 in a chak ta a ni.
Murray chuan, Inkhelh hahthlak tak a ni. Kan pahnih khan kan chau hle a, player \ha tak a ni. A tumruh tih a lang chiang hle a. Hmakhua kan nei eng dun khawp mai, nakinah pawh kan la inhmachhawn zel dawn”, tiin a sawin. Ferrer chuan “Ka serve chhe em em a, kha kha ka chet chhiatna bul a ni. Clay-ah erawh ka khel \ha thin khawp mai, tiin a sawi ve bawk.