MZP-in Bandh huaihawt titawp

Mizoram News

Lunglei MZP Hqrs.-in nimin zing dar 6 aṭanga tiamchin awm lova bandh an huaihawt chu nimin chawhnu dar 2 khan hlih a ni a, an tihtawp chhan hi Govt J Buana College-a Public Administration post lecturer pakhat-in a pempui dah let leh tura sawrkarin hma a la tih an hriat vang niin Lunglei MZP President Eric Zomuanpuia chuan a sawi a ni.

Lunglei MZP hruaitute hi nimin chawhma khan Lunglei DC Pu V.Sapchhunga leh sawrkar official dang ten an kawm a, hemi hnua MZP hruaitute inhmukhawm chuan an thilngiat ti hlawhtling tura sawrkar-in hma a la mek tih an hrilhhriat an nih tak avangin bandh hlih an rel ta tih thulakna chuan a tarlang a, Lunglei MZP President chuan an thilngiat chungchanga sawrkar hmalakna chu vawiin thleng an nghah tur thu sawiin hemi hnua a hlawhtlinna an la hmu chuanglo anih hmalak leh dan tur an rel dawn tih a sawi a ni.

Leave a Reply

This site uses Akismet to reduce spam. Learn how your comment data is processed.