Zothlifim Logo
Loading ...

North Vanlaiphaia Pu Peter Lalrinthanga in Assam type chu Thawhṭanni zan dar 11:45 vel khan bungrua engmah chuh hman lohin a kang ral vek a, thi leh hliam erawh an awmlo.

In hi assam type niin kangmei a chhuak tih an hriat veleh khawtlang mi tlawmngaite an tlan khawm a, mahse kangmei hi a lo nasat tawh avangin bungrua engmah chuh hman lovin a kangfai vek niin VC Vice president Pu K.Lalngaihzuala chuan a sawi.

Thawhṭanni zan khan Pu Peter Lalrinthanga te hi an chhungte inah an chhungkua-in an riak chhuak a, kangmei chhuahna chhan hi hriat a ni lo a ni.

Nimin khan khawtlangin kangmei tuar te  in sak that hna hi an thawk nghal a, mi 250 vel an thawk chhuak a, in hi a dung ft 30 leh a vang Ft 15 a zau in an saksak a, Bialtu SDO in `1,000/- leh silpouline 2 a pe a, VC ten in sak nan hian `20,000/- an thawh bakah Thingpui lum nan `1,000/- an tumsak a, DLAO in `1,000/- a pe bawk a ni.