NLUP hnuaia bawng lian chi vulh tum te bawng vulh tur chu AH & Vety Department chuan a sem zui zel.
Tuna bawng sem mekna, Lawngtlai District-ah chuan bawng vulh thlangtu chhungkaw 66 zinga 33 te chu bawng vulh tur 2 \heuh pek an ni tawh a, a bak chhungkaw 33 dangte pawh pek leh thuai an ni ang.
AH&Vety Deptt. hotute sawi danin tunah hian Thingdawla a dah\hatna, enkawlna hmun ni bawk, Quarantine Shed-ah bawng 18 enkawl mek an ni a, hemi bakah hian Punjab a\anga rawn thawn bawng 240 lo thleng leh tur a awm bawk a, hengte hi a intahtawlin a lo thleng anga, Thingdawla a enfiahna hmunah uluk taka an hriselna dinhmun nenfiah a nih hnuah Lawng tlai leh Saiha District a bawng la dawngve lo te hnenah sem a ni ang.
Heng zingah hian Aizawl District-a bawng hri leng vanga thi ta thlakna tur pawh a tel dawn a ni.
Lawngtlai District a bawng dawng turte pek an nih hnuah Saiha District-a NLUP hnuaia bawng vulh thlangtu chhungkaw 11 te chan tur bawng pawh pek zui leh nghal a ni ang. Pyan tawh angin AH & Vety Department hian hemi hmalam hian Aizawl, Serchhip, Lunglei, Champhai, Kolasib leh Mamit District-a bawng vulh thlangtute bawng vulh tur chu an pe kim tawh a ni.
AH&Vety Deptt. hotute sawi danin NLUP hnuaia bawng lian hnute tam chi vulh duhte tan hian Punjab leh Haryana a\angin bawng lei a ni a, Haryana a\angin bawng 710 leia sem tawh a ni a, a thi thlak nan bawng dang 80 lei leh mek a nia, Punjab a\angin bawng 600 lei turah tun thlengin bawng 360 hmuh tawh a ni a, bawng dang 240 hmuh leh tur a la awm a ni.