Serchhip District chhunga NLUP kalpui meka hmalak dan thlirin nimin khan Serchhip DC’s Meeting Room-ah NLUP Nodal Officer, Pu Robert C.Lalhmangaiha hovin Line Department tina Officer te an ṭhukhawm.
NLUP 2nd Phase-ah hian ṭanpuina sem chhunzawm mek zel niin Line Department tam ber chuan NLUP beneficiaries te hnenah hian ṭanpuina pek tur 1st Instalment chu an semchhuak tawh a ni.
Nimina ṭhutkhawmnaah hian Line Department tin ten NLUP 2nd Phase atana an hmalak dan report an pe a, nimina Report an pek aṭanga a lan dan chuan AH & Vety Department hnuaiah beneficiaries 297 awmin heng mite hnena ṭanpuina pek chhuah tur `49,05,000/- hmuh a ni tawh a ni.
Fisheries Department-ah Beneficiaries 100 awmin heng mite zinga 99 hnenah hian 1st Instalment `5,000/- ṭheuh pek an ni tawh a, hemi atan sum semchhuah hi `49,50,000/- a ni a, beneficiaries te hi training pek vek an ni tawh a ni.
Horticulture Department hnuaiah beneficiaries 987 awmin heng zingah hian lut thar mi 3 an awm a, heng mi 3 tihloh mi 984 te chu lo vahna tur `5000/- ṭheuh pekchhuah an ni tawh a, tunah hian ṭanpuina sum hi sem leh thuai theih beisei a ni a, NLUP dawng turte hi training pek vek an ni tawh bawk a ni.
Forest Department hnuaiah hian a tirah beneficiaries 98 awmin heng mite hnenah hian `67,172/- ṭheuh sem an ni tawh a, ṭanpuina dawngtu zinga 1 chu Trade a thlak leh avangin a sum dawn pawh a pekir leh tawh bawk a ni.
Sericulture Department hnuaiah NLUP-a Pangngang khawi thlangtu mi 124 awmin Lo vahna tur `5000/- bakah Theihmu chi leina tur leh a supply-na tur bakah khur laihna leh hmanraw leina tur, a vaiin `20,000/- ṭheuh pek chhuah an ni tawh a ni.
Soil & Water Conservation Department hnuaiah NLUP 2nd Phase-ah a tirah beneficiaries 257 awmin Trade thlak mi 14 an awm avang leh lut thar 1 an awm avangin tunah hian beneficiaries 244 an awm a, Lo vahna tur `5000/- ṭheuh pek an nih tawh bakah 1st Instalment-a sum pek tur dangte chu karleh lam khian semchhuah hman vek beisei a ni a. beneficiaries zawng zawngte hi training pek vek an ni tawh bawk a ni.
Agriculture Department hnuaiah NLUP 2nd Phase-a tanpuina dawng tur mi 1055 awmin heng mite hi 1st Instalment-a an sum dawn tur `20,000/- chu an Account-ah thun vek a ni tawh a, Tlungvel khua a mi pakhat erawh chu a Trade thlan ah hma a lak loh avangin a pawisa dawn tur hi a Bank Account atanga withdraw theilo tura la hren sak a ni thung a ni.
Industries Department hnuaiah Beneficiaries 162 awmin heng zinga mi 38 te hnenah hian 1st Instalment, `20,000/- theuh chu pek chhuah a ni tawh a, naktuk ah hian mi 50 te hnenah pek leh tura ruahman niin heng mite hi Serchhip, Thenzawl leh Hriangtlang khua ami te an ni.
Nimina ṭhutkhawmah hian Line Department tinte chuan NLUP kalpui mekah harsatna an tawh rihloh thu tarlangin, tuna 2nd Phase kalpui mekah loh theih lohna avang a nih loh chuan Trade thlak phal ni tawhlo se an ti a, hetih rual hian chhan hrang hrang avanga hming thlak erawh chu tih chhunzawm nise an ti.