Mizoram News

NLUP sum dinhmun thlirho

Nimin khan NLUP line department 9 ten NLUP Implementing Board(NIB) conference hall-ah meeting an nei a. Kum 2012-13 chhunga an sum hmuh leh hman chhuah na atanga an dinhmun hnuhnung te an sawiho.

Kum 2012-13 chhunga NLUP hmalakna tur sum sanctioned cheng nuai 37000 aṭangin line department hrang hrang te hnenah a vaiin cheng nuai 13481.11  pek chhuah a ni a, a bak cheng nuai 23518.76 chu K-deposit ah dah a ni.

Kum 2012-13 chhunga an hmalakna ah line department te chuan calendar of works an insiam anga hma la in an target an hlen chhuak thei a ni. Nimina meeting ah hian kum 2013-14 atana an hmachhawp te sawi hovin an ke pen lehna tura ruahmanna pawh tun kar hian peih vek an tum a. Tunah hian kut hnathawktu te tan hma thar lak hun a nih avangin department ten a rang lama sum an mamawh te chu he meeting ah hian an sawi a. Hemi rual hian Industry sector hnuaia khawl leina tur leh thlai phun tur buatsaih nana sum mamawh te pawh sawi ho a ni a. Heng sum mamawh te hi a hma thei ang bera pe chhuak turin sorkar-ah thlen ni se, an ti a. Hei bakah hian NLUP kalpuina a field staff te harsatna chungchang pawh Apex Board ah thlen thuai tura rel a ni.

Meeting hi NIB Vice Chairman Pu PLThanga’n a kaihruai a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram