Serchhip News

Pitar pawngsual tum

Pitar pakhat, kum 82 mi, pawngsual leh thah tum a ni chu Chhim Veng Branch MHIP te chuan an duh loh thu leh he pitar chhan-chhuaktu naupang chu chawimawina sang ber a dawn theihna tura a ṭul anga hmalak nise tiin Resolution an pass.

Thulakna tarlan danin, he pitar, kum 82 mi hi kar kalta Inrinni chhun dar 12 vel khan tuikhurah tui chawiin a kal a, mi tu tih hriatloh mipa pakhat chuan thaha vauin a nghawngah a rêk bet a, pawngsual tumin a thawmhnaw te pawh a phelh sak vek a, he thil thleng hi Kawrpuia insu haw lam naupang kum 11 mi, Lalfakawma leh a pi chuan hmuin naupang hian chhan tumin a tlan nghal a, he pawikhawihtu hi a tlanchhe nghal a, Naupang chuan a pi chu a thlanchhiat na lam lo en tura chahin amah chu midang pun turin a tlan haw nghal a, he pawikhawitu hi umzui nghal nimahse a bibo hman a ni.

He pawikhawihna tuartu chhungte chuan Serchhip Police Station-ah FIR an thehlut nghal a. Naupang huaisen, Lalfakawma, kum 11 mi hi Chhim Veng Branch MHIP te chuan Chawimawi nan Thawhlehni zing khan pawisafai `300/- an hlan a ni.