PRISM Gen. Hqrs. Aizawl chuan nimin khan Kolasib DC ah complaint thehlutin railway kawngin a paltlang dawn avanga Khamrang khuaa mite tana compensation vawiina sem a tum chu thulh turin leh a tak taka ram neilo an awm avangin chung mite chu chhui chiang turin an ti a, chhui chiang hmasa lova an kaltlang a nih chuan Dan hmanga beihzui an tum thu nimin tlai khan Kolasib DC chu fax hmanga thu thawnin an hriattir a ni.
An lehkhaa an tarlan danin report an dawnah chuan Khamrang area-a compensation pek tur mi 86 zinga mi 29 te hian a tak takin ram an nei lo tiin, hei vang hian compensation hi tuna ruahman anga pek anih chuan, tullo leh awmze nei lovin public money `167,17,684.00 lai a luangral dawn tihna a ni, an ti a. Ram nei tak tak lo nia sawite hming list pawh an thil tel nghal a, lehkhaah chuan Vanlalruata President leh RL Liantluanga, Gen. Secretary PRISM ten hming an ziak a ni.