Ram dang aṭangin vawk chi ṭha lakluh tum mek a ni a, artui thar chhuah zaa 30- a tipung turin hmalakna kalpui mek a ni bawk.
He thu hi nimina Mizoram Veterinary Service Association (MVSA) Annual General Conference vawi 29 na Tourist Lodge, Chaltlang-a neihah Parliamentary Secretary Pu KS Thanga’n a sawi a, Mizoram state economy chuan anih tur ang a la thleng lova. Hmasawn turin neitu nihna rilru put theuh a tul a ni, a ti a. Dan rorelna leh dikna lalna ram din chu sawrkar in a ngaihpawimawh berte zing ami a ni a, state economy siamtha turin sawrkar pawhin theih tawp a chhuah reng a ni, a ti.
Vety department bika sawrkar hmalakna ṭhenkhat sawilangin kan ram vawk ti ṭha lehzual turin foreign aṭangin vawk chi ṭha lakluh tum mek a ni a, artui thar chhuah zaa sawmthum a tipung turin hmalakna kalpui mek a ni bawk tih sawiin, Ramdang nena inrina hmunah te ran damlo dah hranna animal quarantine sa tura hmalak mek a ni, a ti bawk.