Pathianni zan khan Champhai khaw chhung DC Complex hluiah Excise Enforcement Staff te Red Sanderwood an man a, Red Sanderwood an man zawng zawng hi quintal 60 a chuang a ni a, cheng nuai 124 man hu vela chhut a ni.
Excise Staff te hian a neitu-a puh, K Lalhmingliana Champhai Venglai bakah a phurhna truck khalhtu Lalruatzela Aizawl Ramhlun South leh Lalpekthuama Burma Haimual te chu Directorate of Revenue Intelligence Officer Aizawl Unit kutah an hlan a ni.
Heng Sanderwood hi Andhra Pradesh atanga dan lova Silchar a phurh thlen a ni a, Burma rama tawlhruk thin niin, tun hma pawhin Police leh Excise lamin an lo man tawh thin a ni.