United States-a Texas-ah nizan hmasa khan lei tihṭhatna hlo siamna hmun fertilizer plant puak vak ah mi 70 an thi a hriat ani a, an zat chiah erawh ala chiang lo a ni. Midang za tam tak an hliam bawk, kang ṭhelhtu engemawzat chin hriat loh an la awm bawk.
He factory a thil puak vak leh kang mei nasa avangin building tamtak a chhia a, West Fertilizer Plant hi Waco hmar lam km 32 vel a West khua mipui 2700 vel chenna a awm a ni. A bul hnai a Nursing Home atangin mi 130 aia tam hmun him lam a thiar sawn an ni a, damlo 150 vel damdawiin a dah an ni. Thil puak hian he Plant bial vel a kawl-phetha supply na a tichhe bawk a, thuneitute chuan intin lut lawrin an dinhmun te an zawt fiah a ni.