Mizoram News

Thawkho turin inremna ziak

Khuarel chhiatna thleng thut thei zirchianga ruahman-na siam ṭhin mithiam awm khawmna pawl GeoHazard Society (GHS) leh a thawhpui GeoHazard International (GHI) chuan Aizawl khawpui chu hetiang chhiatna thleng rup thei nia a hriat avangin hemi lama Mizoram sawrkar nen thawkho turin a sawm a, he sawmna bawhzui hian tunhnai khan thawhhona tur inremna ziah a ni.

MOU hi sawrkar aiawhin Disaster Management and Rehabilitation Department  Principal Secretary Pu PC Lallawm-sanga’n ziakin GeoHazard Society(GHS) leh a thawhpui pawl GeoHazard International (GHI) aiawhin an President Hari Kumar a’n a ziak a ni.

An inrem dan chuan, Aizawl khawpui huam chhunga khuarel leh mihring siam chawp chhiatna a bikin lirnghing leh leiminin khawpui a tih derthawn theih dan chhutchhuah te, heng chhiatrupna thleng thei titlem tura mumal taka thiamna sang zawk hmanga ruahmanna siam te a tel a, he Project bawhzui tur hian tun thla ni 22 leh 25 inkar khian New Secretariat Conference hall ah mithiam te hi thukhawmin sawrkar aiawhte nen Technical Meeting neih ani dawn a ni.