Khawchhak Tuipui kamah Tuipui tlawhchhan YMA te chuan Lungpui Li aṭanga Ngaihhih hmanga Sangha vawtu E.Lungdar khaw mi 7 te chungchang ngaihtuahin Joint Meeting April 15 khan an nei.
Meeting hian Tuipui Li-chhe hnâr, Lungpui Li aṭanga Ngaihhih hmanga sangha vuak a nih thu leh heng sangha vawtute zinga mi pathum te chu an hming leh pa hming hriat a nih tawh thu te report ngaihthlak a ni a. Branch hrang hrangte’n Sangha vawtute chêt-tlatna an hriat ang angte report an pe bawk a ni.
E.Lungdar Forest Range-ah Sangha vawtu chu zawng chhuak a, a ṭul anga hma la turin thlen ni se, hma an la thei lo a nih chuan a ṭul ang anga hma an lâk chhunzawm tur thu an tarlang bawk.
Tuipui tlawhchhan YMA Joint Meeting hian Tuipui dung nungchate duat taka an humhalh leh nghafuan ven an khap avanga lên hmang pawha lui kalte’n awlsam tea khamkhawp an man mai theih a nih tawh chu lawmawm an tihthu an tarlang a, chutihlaia Ngaihhih hmanga sangha vua an awm ta mai chu hriatthiam harsa an tih thu leh Sangha vawtute hi an demtak zet tih an sawi.
He joint meeting-ah hian Branch hrang hrang aṭangin YMA hruaitu mi 30 an kal khawm a ni.