Lengpui Airport a khawl hmanga thawh theihna ṭum tur ṭanpuitu Instrumental Landing System (ILS) chu tunkar hian endik hman beisei a ni.
Mizoram sawrkar Aviation Wing hotute sawi danin, ILS hi nimin khan a endik hna (Caliberation flight) neih tura ruahman a ni a, mahse ṭhulh leh rih a ni. Hei hi a chhan chu ILS hman theih tura tih tur tul te tihfel tawh a ni chungin ILS signal pechhuaktu awmna Virtual Ground thinga siam chu a mawih tawh avangin, a vang metre 15 leh a dung metre 300 chu thira siam ṭhat nghal a ni a. Hei hian hun a duh rei deuh avangin nimina endik hman tura beisei chu ṭhulh lailawk a nih hnuah tunkar chhung hian endik hna hi thawh theih a ni dawn ta chauh a ni.
Lengpui |umhmuna ILS bun hi nikum November thla laihawl vela a phalna (license) tihnun ngai kha a ni a. Airport Authority of India lamin an endik hman loh avangin a hun pawt seiin hman zui a ni a. Hei hi a pawhsei hun chhunga endik a nih leh tak chuan loh avangin kumin February thla bul aṭang khan hman a ni ta lova. Tlema khua a chhiat deuh chuan thlawhna a ṭum theilo ta fo a ni.