Written Exam hun sawn

Tun thla Ni 10 – 12, a Tutor/Clinical Instructor Exam MPSC-in a buatsaih tur chu Sawrkarin hun danga neih tur atan a sawn a, a dodaltu, Mizo Students’ Union (MSU) pawhin written exam boycott an tum chu an ṭhulh nghal.

MSU chuan hemi chungchangah hian thuchhuah siamin, Health Minister-in a sawi ang ngeia Recruitment Rules felfai tak hnuaia heng hnalak hi kalpui ngei turin sawrkar a ngen nawn leh tih a sawi a ni.

Mizo Zirlai Pawl (MZP) chuan Health & Family Welfare Department hnuaia hnaruak, Mizoram Public Service Commission (MPSC)-in Tutor/Clinical Instructor post sawm a lak tura advertisement a tihchhuahah he hna thawk tura tling lo ten an dil ve theih tho avangin MZP chuan hnalakna tura MPSC-in written exam buatsaih a tum chu ṭha a ti lo tih nimin khan a sawi ve leh a, he hna lak tumna MSU-in dodal an tum chu awm an tih puiin an thlawp tih an sawi.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram