HPCD Hel vauna avanga Tuivai Group YMA hnuaia Branch 9 ṭhiah zinga
Branch 5 te an in din thar leh tawh a, Central YMA a an seal dah tawh
chu la letin an indin ṭha a ni.
Central YMA hruaitute sawi danin, Branch din thar leh te hi
Suangpuilawn, North Khawlek, NE Tlangnuam, Vanbawng leh Zawngin te an
ni a, Seal la la lo mahse Daido chuan Annual Fee an pe tawh a ni. Heng
bakah hian khaw dang te pawh an inngaihtuah mek nia thudawn a ni.
Thudawn danin, HPC(D) Chairman H.Zosangbera chu man a nih hnuah chhuah
a nih leh tawh avangin a nihna ngai a chelh zui leh a, an pawl hian
tunlai hian an 'Demand Area' huam chhung an tlawh kual mek a ni.
Hetihlai hian, Mizoram sawrkar leh HPC(D) inremna angin, HPCD-in a hel
zawnga che lo tura a intiamkamna chu zawm a nih leh nih loh enfiah
turin Joint Monitoring Group leh HPCD inbiakna Sakawr-daiah neih a ni
dawn nia sawi a ni a, hetah hian inbiak chhunzawm lehna tur chungchang
leh a hun leh hmun te sawiho a nih rin ani.
Mizoram sawrkar leh HPC(D) hian kumin January thlatawp khan Aizawlah
inbia in thla 6 chhung atana inremna an siam a, he inremna endik tur
pawl hi din nghal a ni bawk a ni.
