Kawlphetha MW 460 pechhuak thei tur, Kolodyne Hydro Power Project hmanga Chhimtuipui lui khuah turin ram a chim chhiat tur chungchang ngaihtuahin nimin khan Lunglei-ah tur Addl PCCF Pu Rosiama Vanchhawng hovin Forest Department Officer ten meeting an nei a.
He meeting-ah hian Lai leh Mara Autonomous District Council-a E&F Department hotu te pawh an tel a ni.
Tunhma lamah tuikhuah turin Environmental Clearance lo hmu tawh mahse tunah Central-in Guide line thar a siam tak avangin, hmalak dan kalhmang tihdanglam a ngai tih meetingah hian tarlan a ni a, he Hydel Project tuikhuah tur hian Kawlchaw Kai a\angin khawmual a chim ang a, Forest reserved area bik a chim tur hi Lunglei, Saiha leh Lawngtlai District-ah a vaiin ram 5000 h.a. vel a ni ang a, mihring chenna khaw hnih Lawngtlai District-a Tuipui Feri leh Lunglei District-a Tuipui ‘D’ te a chim dawn a, Forest reserved area chin ni lo, ram pawh engemawzah chim tur a ngaih a ni bawk.