Zothlifim Logo
Loading ...
India NewsIndia Chanchinthar

Mizoram Plan Fund sawifel tura New Delhi a cham mek, Chief Minister Pu Lal Thanhawla chuan nimin zing khan Parliament House-ah UPA Chairperson Pi Sonia Gandhi hmuin Mizoram Plan Fund 2013–14 chungchang leh Mizoram inthlanpui hma-chhawn tur chungchangte a sawipui a, Mizoramin sum harsatna a tawh mekte sut-kian dan tur a sawipui bawk.

Nimin vek khan Central Hall of Parliament-ah Union Coal Minister Sriprakash Jaiswal hmuin power/coal blog chung-chang a sawipui bawk a, Chief Minister hian Minority Affairs Minister Ninong Ering leh Tribal Affairs Minister Ranee Narah te hmu bawkin Mizo-rama hnam tenau te leh tribal te dinhmun sawipuiin, Mizo-rama lo zin turin a sawm a ni.

DONER Minister Paban Singh Ghatowar hmu bawkin, Mizoram sawrkarin a ngaih pawimawh bik project te a hrilh a, a tih puitlin theih dan tur a sawipui bawk a ni.

CM ho hian Mizoram House-ah Chief Secretary Pi L.Tochhawng, State Planning Board hotute leh sawrkar hotu dangte nen Mizoram Plan chungchang thlirlawkna an nei bawk a, ruahman  lawk ang chuan vawiinah Mizoram plan fund hi tihfel tum a ni.