French Open khelh mekah Champion lai Rafael Nadal leh Maria Sharapova te pawhin First Round an paltlang ve leh.
Nadal hian kumin chu ṭum 7 zet alo champion tawhna, French Open First Round a paltlang dan hi a awlai bik vak lova, First Set-ah a chak zo lova, mahse a hmachhawn World no. 59 Daniel Brands chu 4-6, 7-6 (7-4), 6-4, 6-3-a lehthalin, second Round a invaw kai ve leh ta a ni. Nadal hian second Round-ah World No. 35, Martin Klizan a hmachhawn leh ang.
Hmeichhe Champion lai, Sharapova erawhin awlsam takin First Round a paltlang thung a, minute 54 chhung lekin Taipei nule, Su-Wei Hsieh chu 6-2, 6-1-a hnehin Second Round a invaw kai a ni.
2011 champion Li Na chuan Anabel Medina Garrigues chu 6-3, 6-4-in a hneh a, Agnieszka Radwanska pawhin a laizawn hnung zuiin, Second Round a invaw kai bawk a, Radwanszka hian Shahar Peer chu 6-1, 6-1-in a hneh a ni.
British No. 1 Laura Robson erawh First Round-ah a tla nghal a, a hneh loh hi World No.1 hlui Caroline Wozniacki niin, 6-3, 6-2-in a chak lo a ni.
Jo-Wilfried Tsonga leh Richard Gasquet te pawhin an tumpui te hnehin First Round an paltlang a, hetihlai hian Radek Stepanek erawh Autralian rawlthar kum 18 mi, Gland Slam vawi khat chauh la khel, Nick Kyrgious lakah a tlawm thung a, Stepanek hi 7-6 (7-4), 7-6 (10-8), 7-6 (13-11)-in a chak lo a ni.
Gael Monfils chuan Fifth Seed Tomas Berdych chu 7-6 (10-8), 6-4, 6-7 (3-7), 6-7 (4-7), 7-5-in a hneh a, hemi te pahnih hi darkar 4 chuang zet an inkhel a ni. Monfils hi a inhliam vangin hun engemawchen chu Tennis a khel thei lova, World Top 100-ah pawh a lang phak lo hman hial a, tunah No. 81 a ni mek a ni.
Jo-Wilfreid Tsonga leh Richard Gasquet te pawh an tumpuite hnehin First Round an paltlang ve bawk.