HIV/AIDS programme leh NRHM suihfin tum

Sawrkar laipuiin HIV/AIDS programme leh NRHM suihfin zawnga ruahmanna a siamte Mizoramah a taka tih hlawhtlin anih theih nan Health Secretary kaihhruaina hnuaiah Committee on Convergence with Health Dept. and its Programme din a ni.

Mizoram State AIDS Control Society (MSACS) Executive Committee meeting nimina Health Secy Pi Esther Lalruatkimi kaihhruaia neihah committee thar hi din a ni a, He meeting ah hian kum hluia MSACS hnathawhdan leh kum 2013-14 chhung atana hmalakna turte sawi a ni a. Kuminah hian CD4 Count Machine thar leh Lunglei Civil Hospital tan Blood Seperation Component Unit te neih thar tura ruahman anih thu tarlan a ni a. Mizoram hmun thenkhata khawtlang lamin OST Centre leh Drop In Centre chungchang an hriatthiam tawk loh lai chiang lehzuala hrilhhriat nise an ti a, NACO policy tharah PLHIV te enkawlna Community Care Centre leh PLHIV DIC te tih tawp anih tak thu leh heng lama hmalakna hi NACO leh MSACS hnuaiah ni lovin GFATM hnuaiah Care and Support Centre (CSC) anga kalpui anih tawh tur thu tarlan a ni bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram