Zothlifim Logo
Loading ...

Chief Minister hlui, MNF President Pu Zoramthanga chuan May ni 11 zinglama Laipuitlanga PWD building chim avanga chhiatna rapthlak tak thlen chhan dik tak chhui turin Independent Judicial Inquiry din a phut thu a sawi.

He thu hi an party office Hnam Run-a inkhawmnaah a sawi, tih nimina an party thuchhuah chuan a sawi a, Pu Zoramthanga chuan Magisterial Inquiry ni lovin Judicial Inquiry ngei dina chhui chian an phut thu a sawi a. Judicial Inquiry chuan a mawhphurtu chhui chhuakin hrem a ni ngei tur a ni, a ti a ni.

Sorkar hian he building hi a chim chuan mi tam takin nunna an chan dawn tih leh mi tam takin In leh lo; a hmun thlengin an chan thei tih hre chungin he building thiah hi a ngaihthah tih Pu Zoram-thanga chuan a sawi.

MNF President chuan tlawmngaia mahni nunna thapa a thim a var thlu lova hnathawktu Mizoram Police te, Disaster Management hnathawktu te, Assam Rifles te, YMA leh Medical team, bakah mi inphal, tanpuina petu zawng zawng chungah lawmthu a sawi bawk niin thuchhuah chuan a tarlang.