‘Naupangte Dikna leh Chanvo Humhim tura sawrkar laipuiin a duan, Integrated Child Protection Scheme bawhzuiin Social Welfare Department hnuaia Aizawl Dist Child Protection Society kum tlinglo te dikna chanvo humhim turin khaw hrang hranga Village Level Committee leh Block Level Committee a din a, tunkar hian a puitlin zelna turin hma an la zui nghal bawk ang.
Aizawl District Child Protection Society te hian diat hmar lamah naupang te humhalh chungchang hi zirtirin, Khawruhlian, Darlawn, Zohmun leh Sakawrdai leh a chhehvel khuaah te kar kalta khan mipui te an zirtir a ni.
Integrated Child Protection Scheme hi Ministry of Women and Child Development hnuaia ruahman a ni a, ICPS hi naupang kum 18 hnuailam te tana thawktu niin an dikna chanvo humhim sak te, enkawl ngai enkawl te leh siamthat ngai te siamthat kawnga thuneitu leh hmalatu an ni.