Nimin khan Kolasib-ah Pawisa lem `500/- Note 35 (`17500/- hu) man belh leh a ni a, nimina man te nen hian tunhnaiah Kolasib-ah pawisa lem `500/- Note 437 (`218500/- hu) man a ni tawh.
Thulakna tarlan danin, nimina Kolasib-a pawisa lem man belh hi Kolasib-a E&F Department-in SBI Kolasib Branch aṭanga an pawisa lakchhuaha mi niin an sawi a, E&F Department-in SBI Kolasib aṭanga pawisa an lak chhuah ni-a pawisa lachhuak tho P&E Department pawisa lakchhuah zingah pawisa lem `500/- note 57 an lo hmuchhuak tawh bawk a, Police te chuan tuna pawisa lem darh zinga mi `500/- note 63 vel chu hmuh chhuah tur la awmin an ring tih thulakna chuan a tarlang bawk.
Tuna `500/-note lem an manah hian Mahatma Gandhi thlalak awmna chung veilama RESERVE BANK OF INDIA tih leh veilam sira Ashoka Pillar chung chiaha a duma DOT(.) awm chu a lemah chuan a BAWL/THAP ve lova, tin, a laia 500 inziaka 5-ah hian chhun han pahnih (..) a awmlo tih thulakna chuan a tarlang bawk.
