Aizawl Laipuitlang-a PWD office building chimin mi chenna in a hnâwl avanga chhiatna thleng mi 17 laiin nunna an chan chungchangah nimin khan Pu Raymond Lalbiakzama Advocate chuan Bawngkawn Police Station-ah FIR a thehlut.
Pu Lalbiakzama sawi danin he chhiatna thlenga nunna chan tam tak an awm chhan ber hi PWD, building hlauhawm leh hlauhawm loh hre ber tura ngaihte’n ṭhiat mai lova an dah leh chumi avanga mi tam takin nunna an chan a, bungraw tam tak an hloh bawk hi ngaihzam mai theih a ni lo a ni a ti a. Nikum lama a hlauhawmzia hre tawh tun thlenga PWD-in an office buildiang an la ṭhiah loh chungchang leh hemi avanga tawrhna leh chhiatna lo thleng hi chhui chiang a. A mawhphurtu chhui chhuak tur leh dan anga hrem ngei turin Police hnenah a thlen niin a sawi a ni.