Mizoram News

Leimin hmunhma thianfai chhunzawm

Kar kalta inrinni zing khawvar hmaa Laipuitlang-a PWD SDO building chim avanga lei tawlha thi mi 17 te ruang lak-chhuah kim a nih hnu nimin khan a hmunhma thenfai hna-tlang khawl leh kut hmanga thawh chhunzawm a ni.

Laipuitlang leh Ramhlun Venglai tiamin YMA branch 14 aṭangin mi 1000 vel an hnatlang a. Chawhnu lamah khuain a bumro avangin YMA hnatlang hi chawlhsan a ni a. Khaw chin a chian loh vangin vawiina hnatlang neih tur pawh ṭhulh a ni.

Laipuitlang lei tawlh vanga chhiatna ah hian mi 17 an thi a, mi 6 nungdama lak chhuah an ni a, nizan hmasa dar 11:06 khan ruang hnu-hnung ber Vanlalrema Hnamte Thingfal khua chu lakchhuah a ni a, ruang lakchhuah hnu hian chhiatna avanga ruang zawn hna chu tihtawp niin kharna hun tawite Laipui-tlang-a Central YMA Information Centre-ah hman a ni.

He chhiatna thlengah hian, Thingfal khua mi 5, Rabung khua 4, Ramhlun Venglai mi 3, Lapuitlang mi 2 bakah North Khawbung leh Karimganj mi 1 ve ve an thi a, dama lakchhuah te chu an vaiin mi 6 an ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram