Mizoram News

Leimin tuarte chhawmdawlna tur hlân

Nimin chawhnu dar 12:30 khan CYMA huaihawta Greenland HSS, Chaltlang-a inkhawm neihah 3:16 Plan Solution neitu John Lalpeka chuan ni 11.5.2013-a Laipuitlang leimin avanga TV leh Refrigerator  chân chhungkaw 14 hnenah Samsung TV leh Refrigerator a pe a, mithi râlna `1,000 ṭheuh a hlan bawk. Hemi rual hian Greenland HSS neitu Pu Lalthanzauva chuan an school hmingin CYMA kutah he leimin tuarte chhawmdawlna atan `25,000 a hlan a; Heritage Lounge pawhin CYMA kutah `17,000 an hlan bawk.

3:16 Plan Solution neitu John Lalpeka chuan thu sawiin, “Mite tanpui thei tura Pathian malsawmna ka dawng hi ka lawm em em a. He chhiatna rapthlak tak hi a tuartu zawng zawngte tan malsawmnaah chang se tih hi ka duhthusam a ni”, a ti.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram