Mizoram News

Mibo chau takin hmu

Pathianni zing dar 8 khan N.Vahro s/o N.Johana Thingsen (Saiha Dist.) chu chin hriat lohin a bo a, nasa taka zawn a nih hnuah Thawhtannni khan hmuh a ni.

Tun Pathianni khan MADC huam chhunga VC inthlan result chhiar khan a thianpa nen Independent a ding tan Counting Agent ah an inpe a, result an puan hnuah an tlin loh avangin Saiha atangin Thingsen panin hawng a. An hawn kawngah chuan Thingsen khawral Khampang sang deuh ah mi pahnihin min ko, ka va kal lawk ang e a ti a, a kal ta a.

A chhungte ngaihtha lo chuan thenawmte punin an umzui a, an hmu mai lo a, a kawr hak T-Shirt sen chu lung chungah a hnutchhiah a, khua a chhe em em a, ruah a sur nasa a, a hniak pawh a hmuh theih loh avangin an hawnsan a.

Khawtlang an in pun ta a, zankhua in tun Pathianni zan khan an zawng ta a, Thawhtanni pawh khan an zawngzui zel a. Tlai lamah Khampang lamah an zawn leh chuan a lo thu lai chu an hmu ta a ni. Amah Pu N.Vahro hi a chau hle a, a tawngchhuak peih lo a, ECM Hospital ah admit a ni a, a enkawltu Doctor te chuan ngaihtuah awm lutuk a ni lo tih an sawi.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram