Zothlifim Logo
Loading ...
David-Zohmangaiha-Mizo-Everester
David Zohmangaiha

Aizawl Republic veng mi, David Zohmangaiha chu Mizo zinga khawvela tlang sang ber Mount Everest lawnchhuak hmasa ber a ni ta a, Inrinni zing dar 5:30 vel khan he tlang chhip hi a thleng a ni.

David Zohmangaiha hi North East India Mt. Everest Expedition team a mi 16 zinga tel a nia, heng zingah hian tlang lawn tak tak chu mi 11 an nia, an zinga mi 2 dang pawhin hemi hma lam hian an lo lawn chhuak tawha, an zinga midang 3 pawhin Inrinni zing vek khan he tlang hi an lawn chhuak a ni. He team a Mizo telte chu Dr. Samuela leh Manager, Pu Vanlalliana, Mizoram Sports & Youth Services Deepartment-a Adventure lama hruaitu a ni.

Mt. Everest lawn chhuak David Zohmangaiha leh a ṭhiante chu Base Camp pan in an kir leh tawh a, an kal tluang theih chuan nimin tlai lamah Base Camp thleng tura beisei an ni.

Rorellai Congress Ṭhalai-te chuan Khawvela tlang sang ber Mizo pa ngeiin Mt. Everest a lawn chhuak thei hi lawmawm an tih thu sawiin an chhuang hle tih an puang.