Mizoram Finance Commission huaihawtin inrawnkhawmna nei

Mizoram Finance Commission huaihawtin Aizawl Municipal Council leh Autonomous District Council pathum aiawh te leh sawrkar mi pawimawh ten sum hman dan tur chungchanga inrawnkhawmna ni 2 awh nimin khan Aizawl-ah an \an.
Tualchhung inrelbawlna kengkawhtuten mahni hma zawna an mawhphurhna \ha taka an hlen chhuah theihna tura State sawrkar nena kum 2015 atanga 2020, kum 5 chhunga sum an insem dan tura rawtna leh heng tualchhung inrelbawlna kengkawhtute hnenah eng mawhphurhna nge pek belh a nih ang tih rawtna te an siam dawn a, chhiah lak tur te leh sorkara chhun luh tur te, sorkar sum harsatna hre chunga, hmasawnna hna thawh dan tur leh sum leh pai dinhmun tih \hatna tura zawm ngei ngei tur inhrilhhriat a ni dawn bawk a ni.
He meeting hi Mizoram Finance Commission Chairman Pu Vanhela Pachuau in a kaihhruai a, he hunah hian Mizoram Finance Commission Member Secretary Pu Lalthansanga’n sawifiah ngai tul hrang hrang a hrilhfiah a ni.