Mizorama ICDS kalphung thlak danglam turin, Mizoram State ICDS Mission Steering Group chu nimin khan Chief Minister Pu Lal Thanhawla hovin a office Cabinet Room-ah an ṭhukhawm a, sawrkar laipui duhdan anga mission mode-a ICDS kalpui dan tur an sawiho a ni.
Meeting hian, Central sawrkar pawmpui tura thehluh tur, Annual Programme for Implementation Plan an sawiho a, he plan hi Central sawrkarin a pawm a nih chuan central sawrkar vekin ICDS kalpui nan cheng vbc 90 a tum ang a, a do let nan State sawrkarin cheng vbc 10 a tum a ngai ve thung dawn a ni.
ICDS kalphung thar hi sawifiah chian la ni lo mahse, ICDS hnuaia nu nau enkawlna reng reng tunhma aia tha leh changtlung zawka kalpui tum ni a sawi a ni a, Village level atanga state level thleng a viltu tur dinin, thuneihna sang tak pek an ni dawn a thudawn a ni.