Real Madrid manager Jose Mourinho chuan nizan hmasaa UEFA Champions League Semi-Final Second Leg-a Borussia Dortmund nen an inkhelh zawhah Real a chhuahsan maitheih thu a sawi a, England-ah amah hmangaihtu an awm tih a sawi a, amah hmangaihtute bula a kal tur thu a sawi.
Chelsea fans tamtakin an duh thu an au chhuahpui leh Chelsea enkawl leh tura an duh ber, Mourinho chuan, “Keimah min hmangaihtu te bulah ka kal ang, England ah hian min hmangaihtu an awm tih ka hria a, club \henkhatin min hmangaih tih ka hria, a bik takin club pakhat” a ti a Chelsea a sawi na a ni thei mai ang em? “Spain-ah chuan hetiang hian min hmangaih ve lo, min haw em emtu tam tak an awm, ka chhuah tur hi ka sawi lâwk thei chiahlo a, contract nei lai ka ni a, club leh president ka zah bawk. Amaherawhchu ka hmalam hun season tawpah club president nen kan sawi dûn ang” tiin a sawi.
Mourinho hian Chelsea hi September 2007 khan club neitu Roman Abramovich nen an inhmuhthiam loh deuh avangin a chhuahsan a, Chelsea a enkawl lai hi Chelsea hlawhtlin lai ber pawl a ni a, Mourinho hian Chelsea kha Premier League titles 2 leh Domestic Cup 3 a lakpui hman a ni.