MSU leh sawrkarin inremna ziak

Mizo Students’ Union (MSU) chuan, Mizoram School hrang hranga Admission Fee to uchuak lutuk tihniam tura hmala tur leh Sawrkar in Dan a neihte kengkawh tura a ngenna awmzia a neih loh avanga nimin atanga Education Directorate khar a tum chu Sawrkar nen ziaka inremna siam anih avangin an thulh rih.

Nimin khan Aizawl Press Club-ah MSU Gen. Hqrs. hruaitute chuan Press mite kawmin School Education Department Directorate leh Mizo Student Union te in rem siamna an neih dante an sawi a. MSU President Zodinpuian a tarlan dan chuan Mizoram Fiscal Reforms Committee in Government School tana Fee chawi tur a ruahman leh bithliah chu revised a hun tawh a, arang thei ang berin ennawna siamthat ani ang. Mizoram Sawrkarin Permission a pek School zawng zawng ten Academic Session 2014-2015 atangin Zirlaite hnena Admission Fee leh Fee dang an lak dawnin Sawrkar-ah (School Education Department) phalna an la hmasa vek tur a ni tih te a awm a. Mizoram Sawrkar hnuaia Recognised Private Schools (Aided) Higher Secondary, Secondary leh Elementary ten Academic Session 2014-2015 atangin Zirlaite hnena Admission Fee leh Fee dang an lak dawnin Sawrkar-ah phalna an la hmasa vek tur a ni a, School Education Department hriatpuina lova Fee la te chungah hremna lek dawn a ni.

Kumin 2013 October thla ral hma ngeiin School Education Department in Private School te an dinhmun enfiahna neih tur ani a. School Permission pek tawh, rules in a sawi Standard (Condition hrang hrang) phak lote, Zirna kalpui mumal tawh lote leh Zirna kalpui tlak lo School te chu an Permit Cancel sak thelngin hma la turin in remna ah ziah lan a nih thu MSU hruaitute chuan an sawi.

Mizoramah Zirna kalphung dik leh felfai zawka a kal zel theihnan theihtawp chhuah in hma an la zel dawn tih nimina thuthar lakhawmtute an kawmna ah hian MSU hruaitute chuan an sawi bawk ani.

Heng thutlukna leh Inremna ah hian thu School Education department aiawh in Director P Lalchhuanga leh Joint Director J.H Biakmawia ten an hming ziak hnanin MSU lam aiawhin Vice President PC Lalrinhlua leh General Secretary R Lalawmsanga ten an sign bawk niin an sawi.