Napoli Manager thar Rafael Benitez

Napoli chuan Rafael Benitez chu an manager thar atan an la lut ta.

Kum 53-a upa, Benitez hian Chelsea Interim Manager a nihna a tawp veleh a hna thar hi a zawm dawn a, Napoli Manager hlui, Inter Milan lam pan ta, Walter Mazzarri a thlak dawn a ni.

Napoli President, Aurelio De Laurentiis chua Twitter-ah Benitez nen an inchibai lai thlalak post-in, “Rafa Benitez chu Napoli Coach thar a ni ta” tiin a ziak a ni.

Napoli hi tun season-ah Serie-A-ah Juventus hnuaiah awmin pahnihna an ni a, season tharah Champions League an khel thei dawn a ni.

Tun season-a Chelsea Europa League-a a champion-pui kha Benitez-a’n trophy 10 a lakna chiah a ni a, Liverpool kha FA Cup (2005-06), Community Shield (2006), Champions League (2004-05) leh Uefa Super Cup (2005) a chawipui a, Valencia chu La Liga ṭum 2 (2001-02, 2003-04) leh UEFA Cup (2003-04) a chawipui a, Inter Milan chu Supercoppa Italiana (2010) leh Fifa Club World Cup (2010) a chawipui tawh bawk a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram