Prime Minister Dr Manmohan Singh-an Assam-a Rajya Sabha seat chuh turin nimin khan Assam Assembly Principal Secretary G P Das hnenah nomination a thehlut.
Prime Minister hi Assam Chief Minister Pu Tarun Gogoi, Union Minister of State for Tribal Affairs Ranee Narah, Assam Pradesh Congress President Bhubaneswar Kalita leh minister thahnem takin an tawiawm a, hemi hmaa thuthar thehdarhtu te a kawm naah kum 1991 atanga helai bial atanga Rajya Sabha-a term 5 hmang thei tura seat a chuh theih avangin Assam mipui te chungah lawmthu a sawi a ni.
Dr Singh-a MP term hi thlaleh ni 14 khian a tawp tawh dawn a, Election Commission chuan Assam-a Rajya Sabha seat hnih tan inthlan hriattirna a chhuah nghal a, seat 1 zawk hi AGP MP Kumar Deepak Das-an a luah mek a ni.
Hetihlai hian Lok Sabha inthlan a hnaih tawh avangin Congress kaihhruai UPA sorkarah PM thlak rawtna a lian chho mek nia sawi a ni a, PM thlak duhtute hian PM thar atan tunge an duh tih pawh a la chiang chuang lo a, Pu AK Antony, Pu P Chidambaram leh Rahul Gandhi-a hmingte pawh sawi rik a ni