Mizoram News

PRISM FIR thehluh khinlêt tum

Pu John Siamkunga, MLA (S.Tuipui bialtu) chuan PRISM-in alaka FIR an theh-luh chu khinlet a tum thu a sawi.

He thu hi nimina Hnathial Bazar building-a Industries leh Soil Department hnuaia NLUP sem leh Rural Housing Scheme hnuaia rangva sem inkhawm-a khuallian nia a hmanpuinaah a sawi a, Pu John Siamkunag chuan PRISM-in amah leh a ṭhiante laka FIR ACB-a an thehluh chungchangah hia, file pakhatmah kawih a neih loh avangin chhui tur pawh a awm lo tih a sawi a, sawrkar pawisa phei chu a khawih phak-ah a awm lo hrim hrim tih sawiin, hetianga rampum huapa amah tihmingchhetu te chu ani chuan a khing let dawn tih a sawi a, a tlem berah cheng nuai 20 tal chawi turin a khing dawn tih a sawi a ni.

Tih, Pu John Siamkunga hian Thawhṭanni-a Hnahthial a thlen hlima PWD IB-a amah lo hmuaktu, khawtlang hruaitu te leh party hruaitute hmaah PRISM-in Congress MLA 10 te laka FIR an thehluh chu an sawiho a, an nuih a zat zawk thu a sawi a, PRISM pawhin amah phei chu ṭum 3 lai phone hmanga ngaihdam an dil tawh thu a sawi tel niin thudawnna chuan a sawi a, Pu John Siam-kunga chuan hemi chung-changah hian a fihlim chiang hle tih a sawi a, PRISM hian Chalfilh bial bye election aṭang khan an party chu an ngaithei lo hrim hrim tawh tih leh rorel lai party-a miṭha deuh hote chu tihbuai an tum ve hrim hrim niin a sawi a, Chief Minister zahawm tak phei chuan Chief Secretary hnenah he FIR hi chhui vat vat turin a ngen hial niin a sawi bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram