Aizawl khawpuiah APL buhfai leh Chini April thla atan Congress Sawrkarin a sem lo tiin nimin khan MNF party chuan thuchhuah an siam.
MNF chuan, Congress Sawrkar chuan April thla chhunga Above Poverty Line(APL) buhfai, \um hnih sem tur chu vawi khat chauh an sem a. A vawi hnihna Quintal 8,000 chuang zet, cheng nuai 80 man vel zet chu, a leina tur sum an neih loh vangin an sem lo niin an sawi a, hemi thla vek hian sum neih loh vang bawkin, ration chini pawh an sem lo va, NLUP lama sum pawhpen vanga mipui nawlpuiin an tuar \hin hi Congress sawrkar mualphona a ni a, zahthlak kan tiin mipui nitin mamawh pek kawngah congress sawrkar hlawhchham zia a lang chiang a. F,CS & CA, Minister, Pu H. Rohluna chuan a mawh a ni tih hriain bâng ngam se an duh tih an sawi.
APL buhfai hi thla khat chhungin \um hnih sem \hin a ni a. Congress sawrkar hian puitling pakhat tan Kg 3- a pek tur, pe lo vin, Kg 2 chauh vin an sem a. Govt. Fair Price Shop pawh ni 7 chhung tal hawn tur a nih laiin, Retailer te chuan ni 2/3 lek te an hawn avangin, mi harsa zawk leh, nitin inhlawhfak ngaite chu an buaiphah hle tih an sawi a, chuvangin, mi rethei VIP te harsatna hrethiama ni 7 chhung tal Congress Retailer te hi buhfai dawr hawn tir ngei turin an phut tih an sawi bawk.
Tun dinhmunah Thingtlang lamah buhfai (Stock) a awm tlem hle a. Mizoram khaw hrang hranga Godown te chu siam\hat (Repair)-na tur sum a awm loh avangin, a chhe em em bawk a, a siamna tur Tangka NLUP lamah an hui fai vek zel a. Hmun hrang hranga Storekeeper te chu an manang hle a ni. Fur ruahtui a tlak chhoh \an tawh avangin, theihtawp chhuaha Buhfai chhekkhawl hmanhmawh turin MNF chuan Congress sawrkar an hriattir tih an sawi bawk.
MNF sawrkar khan Mautam tam lai ber pawhin man to zawk, ‘Open Market Sales Scheme’ hmangin buhfai a lei mai a, chu chu man tlâwm zawkin mipuiah a pe leh a. Mipui chaw-bel ngaih pawimawh kha hna hmasa berah a nei thin. Chuvangin, Congress Sawrkar hian Development kalpuina tur sum nei lo va, NLUP Tangka a sem mai mai a nih pawhin, mipui nitin mamawh tal hi chu, pe thei tura \an lak na chang hre turin MNF chuan an chah tih an thuchhuahah chuan an sawi bawk.
