Nimin khan Kawlkulh Sawhthing Ching Association ten Mizoram-a a vawi khatna atan Sawhthing Kut an hmang.
He kut ah hian Khuallian Pu Lalrinliana Sailo chuan thusawiin ‘Politics ah hian keini minister leh MLA te ho hi party-ah hrang mah ila kan in haw ve reng reng lo, ram hruaitu tak tak chu kan in haw ve ngai lo a ti. Election ah hian tlin tumin mi relin kan inbei tur a ni lo, policy chung-changah kan in bei zawk tur ani a ti.
Tun kum ah hian Khawzawl leh a chheh vel khua a Sawhthing chingtu te chuan sawrkar hmalakna avanin hlawhtlinna nasa tak an chang a, Khawzawl sawh-thing chingtu te hian tun thleng hian sawhthing 10824 quintals chuang hralh chhuak tawhin an khaw thenawm Chawngtlai, Aro leh Tualte ten sawhthing quintal 8782, 1568 leh 6960 theuh an hralh chhuak tawh bawk. He kutah hian intih hlimna chi hrang hrang neiin sawhthing thar chhuak tha te chawimawi an ni bawk.