Mizoram News

Sawrkar-in High Court Order khinlet tum

MZPleh MSU-ten Saikhumphai thleng thei lo
LAD Minister Pu P.C. Lalthanliana chuan Saikhumphai chungchanga Gauhati High Court Aizawl Bench thutlukna chu Mizoram sawrkar chuan khin let a tum tih a sawi.
Zawhna chhangin Minister chuan hemi chungchangah hian thutlukna siam a nih tawh thu a sawi a. Sawrkar ukil-te’n High Court thutlukna siam hi an zir chiang mek a ni a ti a. Sawrkar rilru-ah chuan ram leh hnam kal zelah thil \ha lo a thlen ai chuan Saikhumphai senghawi chu a \ha zawk a ni a ti a, he khaw senghawi chu inmausamna leh inhmuhsitna a nih loh thu a sawi bawk.
Hetihlai hian zirlai pawl pahnih MZP leh MSU te’n nimina Saikhumphai bawka \anpuina an pe tur chu Vaphai khawtlangin kal an remtih loh avangin Dungtlangah an tawp rih niin thudawnna chuan a sawi.
Zirlai hruaitute hian Vaphai khawtlang te hnenah Saikhumphaia chêng te \anpuina chu an in leh lo din tuma \anpuina pek tum ni lova,an nitin mamawh pe tura kal an ni an tia an sawifiah chungin, Vaphai khawtlang
chuan an kal tlang ai chuan anmahni kuthlak leh an lirtheite suasam an tum avangin Dungtlangah an la châmbang rih a, Vaphai kohhran hrang hrang hruaitute pawhin MZP leh MSU hruaitute hi lo dawngsawngin, Vaphai Kohhran hruaitute chuan MZP te’n Saikhumphai tana \anpuina an khawnkhawmsak chu lawmawm an tih thu leh an \halaite nihphung ngun taka an thlirin \anpuina chu Kohhran hruaitute kuta dah a, kim tak leh fel taka Saikhumphai mite an lo hlan mai tur thu an hrilh a, amaherawhchu MZP leh MSU te’n harsa tak leh hah taka Dungtlang thleng \anpuina an thlenpui tawh chu anmahni ngeiin hlan an duhthu an hrilh a, anmahnin an hlan theih loh chuan MZP leh MSU te chuan hawn lêt leh mai an tum thu an hrilh bawk a ni.
Vaphai kohhran hruaitute hian \anpuina hawn lêt leh ngawt chu ni theiin an hre lova, Vaphaiah kir lehin an \halaite chu ‘MZP leh MSU te kal tlangtir theih dan tur an sawipui a, mahse kohhran hruaitute chuan an \halaite boruak awm dan an thlirin MZP leh MSU \anpuina chu kaltlangpui luih loh \ha zawkin an ngai a, hemi hnu hian MZP leh MSU-ten \anpuina tur an ken te hi engtianga pek luh tur nge tih an ngaihtuah ho a, he thu buatsaihlai hian an thutlukna hriat a la ni lo a ni.