Kum 2002 March thlaa Mizoram Sawrkar nen an inremna Mizoram sawrkarin a bawhchhia tia Bhagheeratha Engineering Ltd.-in sawrkar a khinna chu court-in a hnawl.
Additional District & Sessions Judge-V Pu Manga Guite chuan Bageeratha Engineering Ltb thubuai thehluh hi ngaihtuahin nimin khan a hnâwl a, hemi hma hian, Bageeratha Company hian Dispute Resolution Board leh Arbitration Tribunal ah te zualko-in sawrkar hi an khing tawh a, heng court tenau te pawh hian an thubuai hi an lo hnâwl sak tawh a ni.
World Bank kawng siam tura rawih Bhagheeratha Engineering Ltd hian `107,74,05,432/- sengin Aizawl leh Buangpui inkar kawng km 100-a thui leh Damdiai leh Sialsuk inkar km 30-a thui siam turin inremna a ziak a, amaherawhchu hna an thawk muang tiin Mizoram sawrkar chuan kum 2005 June ni 15 khan an contract a tihtawp sak a, hemi avang hian Bageeratha Company chuan sawrkar chu `77,86, 12,349/- chawi tir tumin Court hrang hrang ah a kal a ni.