Spain tan Torres ko ve leh ta

Spain Striker Fernando Torres chu Spain-in Confederation Cup an khelh hun atan Spain Provisional Squad-ah telh a ni ve leh ta.

Kum 29-a upa, Chelsea Striker hi Spain Coach Vicente del Bosque chuan tunhnaia Spain Squad-ah a telh ngai lova, tun season-ah erawh a rawn che ṭha chho leh deuh a, Chelsea tan match 64-ah goal 22 a thun a, Europe League-a an champion-na atan goal hmahruai a thun bawk a, tuna mi 26 a koh zingah hian mi 23 a thlan chhuah leh tur a ni a, chutah chuan a la tel zui thei ang em?

Torres hian Spain tana match 101 a khelh tawhah goal 31 a thun tawh a ni.

Tun ṭumah hian Del Bosque chuan English Club-a khel player 8 a ko tel a, hetihlai hian Barcelona player Carles Puyol leh Sevilla Striker Alvaro Negredo te erawh a ko tello thung a ni.

Conferderation Cup hi June ni 15-ah Brazil-ah khelh ṭan a ni dawn a, Spain hian an match hmasa berah 2011 Copa America Champion Uruguay an hmachhawn dawn a, Group-B-ah Tahiti leh Nigeria te nen an awmho a ni. Spain hian Confederation Cup an khelh hma hian June ni 8 leh ni 11-ah US-ah Haiti leh Ireland te Friendly Match an khelhpui leh phawt dawn a ni.

Spain Provisional Squad:
Goalkeepers: Iker Casillas (Real Madrid), Jose Reina (Liverpool), Victor Valdes (Barcelona).
Defenders: Jordi Alba (Barcelona), Raul Albiol (Real Madrid), Alvaro Arbeloa (Real Madrid), Cesar Azpilicueta (Chelsea), Nacho Monreal (Arsenal), Gerard Pique (Barcelona), Sergio Ramos (Real Madrid).
Midfielders: Xabi Alonso (Real Madrid), Benat Etxebarria (Real Betis), Sergio Busquets (Barcelona), Santi Cazorla (Arsenal), Cesc Fabregas (Barcelona), Javi Garcia (Manchester City), Andres Iniesta (Barcelona), Javi Martinez (Bayern Munich), Juan Mata (Chelsea), Jesus Navas (Sevilla), Pedro (Barcelona), David Silva (Manchester City) Xavi (Barcelona).
Forwards: Fernando Torres (Chelsea), Roberto Soldado (Valencia), David Villa (Barcelona).

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram