Supreme Court-in hnâwl

Justice BS Chauhan Leh Dipak Misra te thutna Supreme Court chuan nimin khan lemchan thiam Sanjay Dutt an jail a luh hun pawhtlai a dilna a hnawl.

Kum 1993 a Mumbai beih anih tuma inhnamhnawih a puh lemchan thiam kum 53 mi Sanjay Dutt a hi Arms Acts hnuaiah dan phalloh ralthuam a lo kawl avanga thiamloh chantir ni in kum 5 lungin tang tura tih a ni a, kum khat leh a chanve chu tang tawhin kum 3 leh a chanve tan tur a la nei a, tun dinhmunah film chan laklawh lai pahnih a neih avanga a tan hun tihtlai phalsak a dilna chu Supreme Court hian a hnawl a ,May ni 16 ah jail thuneitu te hnenah a inpek a ngai tawh dawn a ni.